Núna er nýlokin kennslustund hjá okkur og ég sit hérna ein í tölvunni, nema hvað... Þetta var fínasti tími, Hamid frá Algeríu gaf okkur dagbók frá Algeríska sendiráðinu, eigulegur gripur. Og ég gæti bara jafnvel verið komin með plan fyrir laugardaginn! Ha? Plan fyrir helgi? JÁ það er nebbla þannig... Victoria er frá Bandaríkjunum og er kennari, hún er að kenna við alþjóðlegan skóla hérna í Róm og á laugardaginn verður ferð með samstarfsfólki hennar í eitthvað sjávarþorp (náði ekki alllveg, hún sagði þetta á ítölsku) og mér er boðið með Já eða kennarinn stakk upp á því og hún hefði aldrei sagt nei... þannig kannski er ég boðflenna en whaeva... Það er guide á ensku og það er bara gaman. Fæ meiri details á morgun.

Ég er búin að vera alveg óð síðustu daga að reyna að finna gistiheimili fyrir okkur Bigga þegar hann kemur (ef við verðum heima hjá þeim þá verður ekki mínútu friður) og það er ekkert að ganga of vel litli bærinn hérna fyrir ofan (Castel Gandolfo) hefur bara upp á að bjóða hótel, og fyrir fátæka elskendur er það of mikið. En vá hvað fólkið þarna er hjálpsamt! Ég bara á ekki orð.. Ég spurði einn gamlan mann hvar ein gata væri og hann bara settist í bílinn sinn og sagði mér að elta sig og svo keyrði hann og keyrði lengst lengst þangað til á áfangastað var komið. Það gistiheimili var fullbókað. Svo í gær gekk ég um bæinn og í allar búðir og spurði fólk á förnum vegi og ein hringdi fyrir mig og gekk með mér og bankaði hjá nunnum sem hún hélt að væru að leigja herbergi og svo teiknaði hún handa mér kort og bara name it! En ég hafði ekki erindi sem erfiði (vá háfleyg) og ekkert hef ég fundið enn innan price range... Arrr ég VIL gista annarstaðar. Annars étur drengurinn okkur með húð og hári, hann er nú þegar búinn að ákveða hvað tölvuleiki hann ætlar að sýna Bigga! Mama mia.

Það er komið SUMAR! Allavega fyrir mig, ég og USA stelpan vorum á stuttermabolum áðan en kennarinn og Hamid fannst frekar kalt bara.. Anyway, það er svo ljúft að rölta um litla bæinn, hann er eins típískur ítalskur lítill bær og hægt er, í sólinni og hitanum eða ganga kringum vatnið... Nokkrar freknur jafnvel... Heitt og sveitt að sitja í bílnum úff...

Síðustu daga hefur konan átt sínar stundir, sendandi mig með skilaboð til kennara (æ alveg fáránleg) og ein bók var týnd, sem ég hef aldrei séð, og það var mitt hirðuleysi, og bréf til foreldra frá skólanum, ég á muna eftir því að hann sýni mömmu sinni þau. Vá gæti þér þótt aðeins leiðinlegra að vera móðir? Í alvöru... henni finnst eins og hún sé eina útivinnandi móðir jarðarinnar. OHH ok ekki skemma fyrir mér sólardaginn.

Næsta fimmtudag ætlum við að fara með kennaranum á bar og fá okkur ítalskan bjór og svo einhverntíman verður farið í field trip með öllum skólanum. Jei!

Jæja það er svosem ekkert merkilegt búið að gerast undanfarna daga... búðarferð dauðans var farin á föstudagskvöldið. Það var ekki ætur biti í kotinu svo ég, konan og strákurinn fórum í einhvern súpermarkað lengst lengst í burtu. Ég náði í kerru og var að taka rusl úr henni þegar ég skar mig á einhverju (halló lifrarbólga C) í lófanum og það fossblæddi svona, sullaði blóði á kerruna og jakkann minn og út um allt. Ég fékk mér bara klósettpapír og þrýsti á sárið, en satans kerran sem mér blæddi fyrir var svona gölluð að hjólin snerust ekki lengur. Svo ég var einhent að drösla þessari kerru um, eltandi allar sérþarfir konunnar og frekju stráksins. Hann vildi fara heim og þá átti bara að fara heim, hefði getað sparkað í hann með kúrekastígvélunum, togandi í kerruna eins og versta smábarn vááá ég var svo ógeðslega pirruð. Ok eftir tvo tíma og tvær fullar körfur þá fórum við að borga. NEI kortinu hennar var hafnað, og þá tók við annar klukkutími að reyna að finna hraðbanka og eitthvað en ekkert virkaði. Ég var með “vasapeninginn” minn, sem nægði engan veginn fyirr þessu öllu, svo við þurftum að skila meira en helmingnum af öllu saman. Enduðum á því að koma með 4 poka heim, af tveim heilum körfum. Við fengum okkur bjór þegar við komum heim...

Eyddi helginni meira og minna í Róm, á laugardaginn hitti ég tvær stelpur frá USA og spjallaði við þær, en nei, þær voru bara tvo daga í Róm L Skömmu eftir að ég kvaddi stelpurnar kemur að mér maður með skyrtuna hneppta niður á bringu og í leddara, ca. 45 ára, var ekkert að tvínóna við hlutina: Hæ, hvaðan ertu, eru allar ísl. stelpur með svona falleg augu, mér finnst þú æðisleg, viltu koma og skoða Colosseum með mér? Takk en neeeei takk (ég er kannski einmana, en ef þetta er allur félagskapurinn sem mér býðst þá...)

Svo í gær fór ég og skoðaði ítalska þingið, voðalega virðulegt. Og tók myndir og sat í sólinni (er smá brunnin..). Og skoðaði búðir... og var svo boðið í drykk af manni á gulum sportbíl: Kommon, einn drykk bara! Nei þarf að ná lest! Alltaf góð afsökun.

Í dag fór ég í barnaafmæli sem var haldið í einhvers konar leik landi, hoppukastalar og trampolin og klifurgrindur, börnin urðu alveg snar óð! Ég sat á spjalli við mömmurnar og borðaði pizzu og drakk kók. Það var alveg ágætt Jmikið vildi ég að ég væri að passa stelpu.. eina af þessum litlu prinsessum... til dæmis núna er vinur stráksins að gista hjá honum og ég átti að lesa fyrir þá sögu fyrir svefninn, þeir völdu sögu um jesús og jólin og sneru öllu upp í piss og kúk og klósett. “Og jesúsbarnið svaf í jötu...” “HAHAHH og svo sturtaðist það niður klósettið”.

NÚ þetta er það helsta, bara daglegt líf og ekkert merkilegt, og einhver verður að fá að heyra þetta. Og já, ég er núna tveimur tímum á undan íslandi.. waayyy ahead of ya

Italia-6

og lika

Italia-7

Er a netkaffi og nenni ekki ad skrifa faerslu a utlenskt lyklabord...

Það er fokið í flest skjól... Bandaríska "stelpan" sem átti að vera á sama aldri og ég, en bara alls engin stelpa og alveg kúkú in the coconut. Hún er svona að nálgast þrítugt og er kennari og afar afar sérstök... Eins og einhver "Stundin okkar" karakter. Það er gaman að henni í tímum því hún er svo spes, það er reyndar plús... Það er frítt þráðlaust net hérna í kennslustofunni og ég er að reyna að nýta mér það. Í tímanum í dag voru bara ég, Veronica (USA) og Hamid, sem vinnur hérna fyrir Algeríska (hvar er Algería?) sendiráðið. Ishi var vant við látinn, held hann sé á Dionne Warvick tónleikum. Allavega. Titillinn? Er að koma að því...

Var að bíða eftir lestinni til Rómar þegar kemur að mér maður: "Renata?" Ha? "Nei þú líkist Renötu vinkonu minni frá Rússlandi" HAHAHAHAHA. En hann stoppaði ekki þar (eða kannski á hann enga vinkonu í Rússlandi og fannst þetta bara góð pick-up lína) Heldur fer að spyrja mig hvaðan ég sé og hvað ég heiti og hvað ég sé gömul. Og svo: Á ég ekki að gefa þér símanúmerið mitt og við getum fengið okkur kaffi saman? Ertekkkkaðgrínast (hann var b.t.w. 48 ára og tannlaus! Svona eins og maður sér fyrir sér ítalskan vínbónda), nei takk segi ég kurteislega. "Afhverju ekki? ég er laus og liðugur og þú ert svona falleg stúlka!" No grazie... og reyni að koma orðum að því að ég hafi ekki áhuga.."Afhverju ekki? afhverju?" Ég þarf að koma mér upp meiri orðaforða fyrir svona aðstæður, ég verð til dæmis að kunna að segja: Ég á kærasta! eða jafnvel: Ég er lesbía, ef að fer í hart... Og svo kom lestin og bjargaði mér. En hvað ætli hann hafi verið að hugsa: Best að húkka upp tvítugu stelpuna þarna? Halló, Sergio, þú gamli maður... En hann var ekkert ókurteis, sagði bara að Ísland væri fallegt land og bauð mér vel að lifa.

Hvað get ég sagt meira... Ég og konan í hreinsuninni erum orðnar kunningjar, hún hefur fengið að fylgjast með ítölskukunnáttunni þróast hjá mér frá fyrsta degi. Antonette, indæl kona. Ekki að við höfum getað talað mikið saman

Ekki nema ca 3 vikur þangað til Biggi kemur Vildi samt frekar bara vera í Köben, alltaf einhverjir tónleikar og djamm.. ekki er djamm hér... búhú....

Jæja þarf að hipja mig

Hmm það sjást engar myndir lengur í myndadálknum mínum, ætla að reyna að redda því bráðum svo ég geti loksins sett inn myndir frá Feneyjum, Ölpunum og það nýjasta frá Róm. [innskot: komnar myndir frá Feneyjum, Ítalía 5              ]

Á laugardaginn gerði ég ekkert merkilegt, gekk í kringum vatnið og hjálpaði konunni að baka (m.a. brauð þar sem bragðefnið var matarsódi. Þvílíkt óæti, og það vorum við sammála um). Snemma á sunnudeginum tók ég svo lest til Rómar og gekk borgina þvera og endilanga og allar mjóu göturnar og tók fullt fullt af myndum. Keypti mér peysu og geisladisk. Og lenti í alveg fáránlegu, ég var bara að labba og þá stoppaði strákur hjá mér, kynnti sig og bauð mér með sér á diskótek. Já nei takk ég er bara að versla og svona.. og hann fór að tala um eitthvað almannatengsla fyrirtæki og vildi sýna mér eitthvað torg, strauk á mér hárið og tók utan um axlirnar á mér! VÓ hvað þykistu vera að gera?? OK bless, og hann var horfinn eins skyndilega og hann birtist. Þetta allt gerðist á svona 2 mínútum og ég bara stóð og hvaaa..?? Frekjan og dóninn.. Falin myndavél eða eitthvað.

Ég var að læra heima áðan, svaka stuð. Nema til að vita hvað ég á að gera þarf ég að þýða leiðbeiningarnar fyrst.. sé til hvort það sé eitthvað rétt í þessu hjá mér. Námskeið í kvöld, það er jollygood...

Fór í morgun upp í litla bæinn hérna fyrir ofan að sækja fötin úr hreinsun. Fór fótgangandi því veðrið er fínt og það sjást ekki margar ljóshærðar manneskjur þar og jesus minn, truckdriverar jafnt sem jakkafatamenn á benz, allir flautandi á mann, hvað haldiði að gerist við það, að ég hlaupi á eftir bílnum og grátbiðji um að fá að verða ástkona ykkar? Æ þetta er orðið frekar þreytt. Tippakallar allt saman.

Jæja, soccer mamman er farin að sækja drenginn í skólann. Ciao!

Síðasta fimmtudag fór ég á ítölsku námskeið! Yndislegt að komast úr húsi og fara að læra eitthvað! Það mættu bara ég og Japaninn Ishi í þennan tíma, en þau eru samt vanalega fleiri... Allavega, við Ishi fengum þá bara persónilegri kennslu, kennarinn er indæl kona og gaf mér ljósrit úr þeim tímum sem ég missti af og sagði mér að það væri vanalega ein stelpa frá Bandaríkjunum í þessum tímum, og hún er á sama aldri og ég

Þegar ég var að bíða eftir lestinni til að fara til Róm þá kynntist ég strák sem á heima þarna nálægt, gaman að geta spjallað við einhvern í lestinni (vanalega er það bara sudoku). Þegar við kvöddumst í Róm þá lét hann mig hafa heimasíma og gemsa og sagði mér að hringja ef mér leiddist og langaði í göngutúr meðfram vatninu... jahhh.. smá spark undir fótinn? Afhverju get ég ekki kynnst einhverri stelpu, vil ekki valda misskilningi meðal ítalskra pilta.

Ég ætla semsagt að halda áfram á námskeiðinu, stundum plana þau ferðir eða hitting um helgar og það er bara frábært! Í þessum eina tíma lærði ég meira málfræðilega séð heldur en allan þennan tíma sem ég hef verið hér, en ég skil samt meira en ég hélt... Ég kann að segja: Borðið er gamalt. Ís er sætur. Sólin er heit.

Jæææja.. laugardagur.. búin að vaska upp, fara með föt í hreinsun fyrir konuna og fara í verslun. Veit satt best að segja ekki hvernig ég á að eyða deginum...

Það var skátafundur í gær (gæti ég verið meiri soccer-mom) og ég var að spjalla við nokkrar mömmurnar og ein var svo almennileg að gefa mér númer hjá einum enskuskóla og gaf mér svo ensku útgáfuna af ítölsku gulu síðunum. Þar fann ég heeeellling af skólum sem hafa námskeið í boði og ég heimsótti tvo þeirra í dag í Róm. Líst mjög vel á annan þeirra og var boðið í prufutíma annað kvöld.. nema það stangast einmitt á við fótboltaæfingu hjá stráknum sem er ömurlegt því að hann hefur ekki einusinni það mikinn áhuga á fótboltanum og í hvert einasta skipti finnur hann einhverja afsökun til að fara ekki... þetta verður að reddast, ég verð að kynnast einhverjum svo að þau hætti að pressa á mig að eignast vini... þau eru meira desperat en ég og það er alveg óþolandi! Nú þessi mamma sem gaf mér bókina var sjálf au-pair og fannst það ömurlegt.. og hún sagði við mig að ég ætti ekki að vera að gera eitthvað sem mig langar ekki.. æég veit ekkert hvað ég vil... ég er hálfnuð svo ég gæti allt eins klárað þetta... vorið er svo gott sem komið og Biggi er að koma í heimsókn

Önnur mamman er að leita sér að au-pair í tvo mánuði í sumar, júní og júlí, hún á krúttlegan ættleiddan strák (dekraður jájá en ekki svona kokhraustur og frekur eins og minn strákur) og býr nálægt ströndinni. Svo... ef einhver hefur áhuga, sendið mér skilaboð!

Og svo aðal mamman (boy-scout stjórnandinn) á pilates stúdíó og sagði að ég ætti endilega að koma og prófa. En ætli það stangist ekki á á við fótbolta eða tennis eða frönskutíma. Þeirri konu líkar ekkert alltof vel við strákinn “minn” (ég er ekki hissa) og er heldur ekki sátt við konuna “mína”, til dæmis vegna þess að hún passaði hundkvikindið meðan við vorum á skíðum, og konan ku hafa sagt henni að hún væri mjög heimilisvön.. sem er ekki satt því hún mígur og skítur bara inni, hef aldrei séð hana gera sín stykki utandyra. Hún varð semsagt ekkert voðalega sátt.

SKO sjáið hvað mig vantar vini, er komin inn í heim fótboltamömmunnar og tala bara um einhverja foreldrafundi.

Fréttir af nýja húsinu. Fyrst var það febrúar. Svo lok febrúar. Svo lok mars. Núna síðast kannski í apríl. Ég held ég verði að smell the coffee og átta mig á því að ég á aldrei eftir að fá að búa þarna. Hafa risa svalir og sér baðherbergi. Og adsl. Neibb ekki séns.

Smá öppdeit: Ok konan ætlar að redda fotboltaæfingunni á morgun svo ég er að fara á námskeið! Eða prufa allavega... Vá ég hlakka til.. og kvíði fyrir líka... Vona bara að þetta sé skemmtilegur hópur. Annars sætti ég mig við hvaða félagsskap sem er

Kv. Guðný VonandiEkkiLengur-Lóner

Erum komin aftur heim, það er mjög gott verð ég að segja! Alparnir eru auðvitað æði og ég verð einhvern tíman að koma þangað um sumar og hitta Heidi og geitastrák. En já, heil vika með ekkert privacy er alveg fullmikið, og allt of mikil samvera með fjölskyldunni. Svo já, gott að vera komin "heim".

Er brún og sælleg í framan, freknur í hámarki eftir fjallasólina! Marblettir vikunnar eru að koma hægt og hægt í ljós... Veit ekki hvernig ég fór að því að fá þá suma. Það þarf einhvern hæfileika

Umsóknin í CBS fór í póst fyrir helgi, Biggi minn reddaði því fyrir mig... Nú þá er bara að sitja sveitt og naga á sér neglurnar þangað til 27. júlí, en þá verða svörin send út frá skólanum. OK, ég bíð baaaara róleg.. Nema ég verða alveg brjáluð ef ég kemst ekki inn í það sem ég setti í fyrsta sæti.. En hvaða líkur eru að ég verði ein af 12 útlendingum sem verða teknir inn? Oji ég nenni ekki að hugsa um þetta.

Birgir minn Stefánsson er að koma til mín! 10. apríl! Vá ég get ekki beðið.. er samt svo stressuð fyrir hans hönd að hann þurfi að hitta þetta fólk.. og er líka stressuð að hann þurfi að sjá mig keyra hérna satt best að segja væri ég frekar til í að fara í heimsókn til Köben. Þar er sængin mín og allt gott. Bara 4 vikur.... ohh ég hlakka svo til.

Sudoku. Ég er alveg forfallin. Kaupi mér sudoku vikunnar (reyndar tók síðasta tölublað heilan mánuð) og konan er ægilega glöð að ég skuli kaupa mér ítalskt blað... Ég reyndi að útskýra að ég þyrfti nú ekkert að lesa til að gera þessar þrautir en hún gat ómögulega skilið út á hvað þetta gengur.

Þetta er voðalega sundurlaust verð að fara að sofa... já svefn.. hvað þýðir það að dreyma hár? Eitthvað skemmtilegt er ég viss um.

..en ekki í þeim skilningi sem væri skemmtilegur! Í dag var snjókoma og þá varð ég svona ægilega snjóblind að allt rann saman í eitt og ég bara sá ekki neitt og datt og datt og datt. Í ofanálag er ég svo marin eftir brettaskóna að það er geðveikur sársauki að vera í þeim... Held ég verði að sleppa brettinu á morgun svo þetta nái að jafna sig! Get bara labbað um þennan krúttlega bæ og tekið myndir.

Nú, strákurinn er í skíðaskóla á morgana og svo þegar við komum aftur heim þá er það í mínum verkahring að fara með hann út eða eitthvert svona fram að kvöldmat svo hjónin geti haft það náðugt.. semsagt þessa viku sjá þau einkasoninn bara svona rétt í matmálstímum.. stundum er eins og þeim sé alveg ofaukið að eiga þetta eina barn! Nú þannig ég þarf að fara út að renna, búa til snjókall, spila borðtennis, tefla og allt mögulegt í fleiri fleiri tíma. Það getur nú samt verið ágætt að dúða sig upp og velta sér í snjónum. Í dag var ég að ná í strákinn í skíðaskólann og hann var spurður hver kæmi að sækja hann og þá sagði hann: hún heitir Gudny Gullrass Magnusdottir hahahah hann hefur séð mig spjalla á msn og gerði bara ráð fyrir að þetta væri millinafnið.. haha... er kannski kominn tími á að breyta? Gullrass orðið þreytt?

Þrátt fyrir allan þenna quality time sem hjónin eiga þá hnakkrífast þau sem aldrei fyrr. Að nenna þessu...

Þetta umhverfi er svona fíls læk hóm: kalt úti og ekki rakt, heitt inni og parket á gólfum, snjór og klaki... Mér finnst það bara frábært í Róm er "ekkertVeður" núna, smá heitt úti og skítkalt inni. Svo eru öll húisn svo æðislega flott og klesst upp í snarbrattar hlíðarnar... Mér finnst þetta svo jólalegt

OK ætli ég verði ekki að fara að sofa, hef ekkert meira að segja...

Góða nótt allir saman

Ok, við komum hingað í alpana í gærkvöldi, erum í dalnum Gressoney og það er bara fallegt hérna vá vá og vá ég á ekki orð. en ég má ekki vera lengi á netinu...

• Það er erfitt að vera wannabe board-babe þegar maður dettur aftur og aftur og aftur í diskalyftunni fyrir framan alla
• Sökum glampandi sólar er mín ansi rauð í framan núna
• Þessi fjöll eru svo kúl!
• Hótelið er kósý
• Ég fæ harðsperrur á morgun
• Hvíta úlpan mín er ekki eins hvít lengur

Kallinn sem á hótelið veit ekki einusinni hvenrig netið hérna vikrar þannig þeta er í gengum tengingu kallsins... svo búið í bili!

Kv.

Guðný fjallahlussa

Í gær borðaði ég kolkrabba. Hann var fjólublár og með sogskálar, ægilega klígjukennd tilhugsun en hann var bara góður. Og þau létu mig smakka safann úr honum, rauður og saltur, góður við kvefi segja þau. Ég er ekki veik, sagði ég og sneri mér útúr þessu. Ég má þó eiga það að ég smakka allt... Eins og svínslöppina, gubb...

Í dag var ég seld í hórdóm, já eða notuð sem "gulrót". Fórum í nýja húsið að kíkja á marmarann og það er strákur að vinna þarna og kallinn segir við hann: ef þú ert nógu duglegur þá máttu bjóða Guðnýju í bíó, og strákurinn roðnaði svona ægilega og svo bara já ok, ég kann smá ensku þannig það verður allt í lagi...Þannig ég býst bara við bíóferð á næstunni! Svo komum við heim og strákurinn úr skólanum, og þá sögðu þau honum að ég hefði eignast aðdáanda og hann bara: ha, hver? Ekki ætlaru að tala við hann! Já en þú átt kærasta! Og varð ægilega afbrýðisamur, þannig Biggi minn þú átt von á góðu þegar þú kemur

Svo fór hann á fótboltaæfingu áðan og ég keyrði hann og var svo of sein að ná í hann og hann fór að leita að mér og spurði húsvörðinn hvort hann hafi séð stelpu með sítt gult hár og stór græn augu. hahaha það er nú einhver fyndnasta lýsing sem ég hef heyrt. Gult hár. Eins og Marín segir.

Myndir komnar, ekki frá Fenyjum reyndar, heldur eldri myndir. Þetta verður að vera í tímaröð Ítalía-4, neðst til vinstri.

Skíðaferð er áætluð næsta sunnudag. Ég tek því með fyrirvara! Hjónin eru eitthvað slöpp þannig ég ætla aðeins að bíða með að koma mér í sjúbb sjúbb fílinginn.

Og í gær voru 3 kakkalakkar inni á baðinu mínu. Og þar á undan var risa fljúgandi bjalla inni í herberginu mínu. Myndi fyrirgefa þessar pöddur ef það væri gott veður. En nei, það var éljagangur áðan. Ísland góða Ísland...

Búin að vera hér akkurat í 2 mánuði. 3 eftir. Þetta líður samt hratt. Finnst ég ekki hafa verið hér svo lengi.

Ég er svo sybbin. Ætla að sofna í faðmlögum við apakrútt.

Góða nótt! Guðný með gula hárið

Ég var að fá tvo pakka áðan!
Annar frá mínum heittelskaða og hinn frá elsku bestustu Völu minni. Í pakkanum frá Bigga var loðið apakrútt með lyktinni hans og um leið og ég fann hana fór ég að skæla. Svo frá Völu fékk ég langt og skemmtilegt bréf og fullt af nammi. Ég er fegin að ég var ein heima, sat þarna skælandi með apa í fanginu og lesandi bréf, hlæjandi inn á milli. En aðallega skælandi, sakna Völu minnar svo mikið og það er alltof langt í að Biggi komi í heimsókn. Apinn verður að vera staðgengill þangað til, er bara búin að sniffa næstum alla lyktina úr honum. Verð að vakúm pakka honum til að spara lyktina.
Svo er tengdó dugleg við að taka upp idol og júró og senda mér og ma og pa ætla að senda mér páskaegg Það er gott að eiga góða að, ég elska ykkur öll!

Guðný væmna tilfinningahrúga