Neðst til vinstri - Janúar 2007. Myndir frá pizzakvöldi hérna á kollegíinu, afmæli sem ég fór í um daginn og svo breytingarnar á íbúðinni.

Skoða og kommenta takk

Í gær var 24. jan og þá sagði einhver: Mánuður síðan jólin voru! Bara mánuður? Mér finnst vera svona hálft ár síðan ég var að opna pakkana á aðfangadag. Tíminn hefur bara staðið í stað síðan ég kom hingað út aftur. Perché? Ég skil bara ekkert í þessu. Kannski kuldinn og myrkrið og það allt saman. Allt í einu kom veturinn hérna, með snjó og bítandi frosti sem er ömurlegt þegar maður á ekki bíl.

Skólinn skólinn... Hann er svona 50 - 50 gagnlegur og gagnlaus. Mjög gaman að læra ýmislegt praktískt um húð og hár en upp á móti koma leikskóla tímar þar sem við erum að mála, klippa og líma og læra muninn á lóðrétt og lárétt. En jájá þetta er bara tímabundið ástand, sæki um eitthvað sniðugt fyrir næstu önn. Veit ekki neitt hvað ég vil akkúrat núna. Er eitthvað foggy í hausnum, þarf að fá vitrun. Stundum er það alveg á tæru en stundum overhoved ikke. Jeg snakker så meget dansk nu at nogle gange tænker jeg også på dansk.

En skólinn er ekki alslæmur, langt því frá! Til dæmis núna áðan gerðum við andlitsþvott á hvor annarri með nuddi og maska og tilheyrandi, ægilega fínt að vera pakkað inní teppi og dekrað við mann. Stelpan sem ég meðhöndlaði sofnaði í nuddinu hjá mér, það þykir mér hrós. Er líka aðeins búin að æfa mig á Bigga.

Hmmm hvað meira, jú við keyptum okkur fataskáp um daginn og ég setti hann saman takk fyrir takk, ægilega hörð. Svo dró ég Bigga með mér á eitthvað sem ég hélt að væri sýning um sögu geðveikinnar og hélt að væri rosa spennandi en neeeei var þetta ekki bara vísindakirkju áróður! Og það fyndna er að Bigga sagði það áður en við komum þangað: Pottþétt eitthvað vísindakirkju-scam. Ég: Nei oh ertu alveg, þetta er bara sýning um geðveiki og e-ð. Meira fólkið. Þetta var heilaþvottur sem byrjaði sakleysislega og fór svo stigvaxandi og fjallaði í stóru dráttum um það að geðlæknar heimsins væru með samsæri gegn öllum heiminum og allt vont sem einhverntíman hefur gerst er þeim að kenna. Til dæmis: Marylin Monroe talaði við geðlækninn sinn í 3 tíma; daginn eftir fannst hún látin! Og hið sama um Kurt Cobain og alla fræga sem hafa dáið. Svo endaði þetta á: You're safe as long as we are here. Og við útganginn stóð svona "lokkari" sem við læddumst framhjá til að fá ekki heilu romsuna og eyðublöð til að selja úr okkur sálina. Ég sagði Bigga að leyfa mér aldrei að velja aftur.

Þetta er komið gott tror jeg.

Hejsa!

Guðný

Hellú, held ég verði að fara að skrifa eitthvað! Nú er skólinn að komast á gott ról, hef fengið að prófa margt og mikið, t.d. að sauma, setja rúllur í hár, sulla í málningu og nudda andlit. Í dag vorum við svo að greina húðgerðir og ég er með blandaða húð sem ég vissi, en kennaranum fannst ég svo gott dæmi yfir feitt T-svæði (enni, nef, haka) að ég var notuð sem kennsluefni: Komið og finnið, svona er feit húð! Og fékk 20 putta í andlitið. Veeeei! Og svo þóttu freknurnar mínar eitthvað topic. Ég elska freknurnar mínar, fokk off! En þetta er mjög fínt bara. Ég er þriðja elst í bekknum, þetta eru mest 15-17 ára stelpur og þroskinn eftir því (eða minni). Þeir sem eru eldri en ég er ein tyrknesk sem er já, tyrknesk, og svo ein tveggja barna móðir sem er fín.

En já, með engri heimavinnu hef ég allt í einu gríðar mikinn tíma á mínum höndum. Gæti verið að ég fái smá vinnu, það á eftir að koma í ljós, en annars er ég byrjuð að hlaupa aftur. Ekki veitir af. Blúbb blúbb. Biggi er ennþá duglegri, þeir eru þrír hérna á kollegíinu sem vakna klukkan 7 og fara út að hlaupa og fara svo í ræktina uppi og hamast.

Á föstudaginn er ég að fara í afmæli hjá einni úr gamla bekknum mínum og eftir það er allur árgangurinn að fara á einhvern gay-bar niðri í bæ. Það verður stuð býst ég við Svo þarf ég að fara í það að kaupa mér fataskáp, geri það um helgina og svooo koma myndir.

Var að skoða Kúbumyndir frá Elínu.  Ég er svo veik fyrir svona hafi og strönd, get látið mig dagdreyma um suðrænar slóðir tímunum saman...

Guðný aka Signora Guðný Pina Colada Banana Hammock Tropic

Próf dauðans er búið! Áður en lengra er haldið vil ég segja að við náðum því, og þar með önninni allri, húrra fyrir Hermínu! Anyway, okkur fannst við vera vel undirbúin, en svo svoleiðis dru****u kennararnir yfir verkefnið okkar og við höfðum varla undan að verja það. Umræðurnar voru á dönsku en ég fékk að tala ensku, og ég náði ekki alveg að fylgjast með öllum umræðunum, og svo segir kennarinn við mig: Þú verður nú líka að segja eitthvað! Og gaf mér spurningu úr þeim kafla sem ég hafði einmitt ekki skrifað og vissi ekki neitt um og það var það vandræðalegasta augnablik sem ég hef lengi lifað og ég fann blóðið rjúka upp í kinnar, hendur og röddin skulfu og ég hreinlega man ekki hvað ég sagði en það var ekki gáfulegt og ekki í samhengi. Þessi klukkutími var einhver ömurlegasti og vandræðalegasti sem ég hef lifað. By gone! Bless HA kom. Við fórum á barinn eftir á og fengum okkur smá taugaróandi öl.

Að öðru, við erum búin að kaupa okkur myndavél og erum búin að endur innrétta íbúðina, kemur vel út, erum búin að útbúa smá skrifstofu á neðri hæðinni og víxluðum sófanum og sjónvarpsskenknum. Svo þegar ég kaupi fataskáp verður efri hæðin líka fín. Set inn myndir þegar allt er ready.

Fyrsti skóladagurinn var i gær, í nýja skólanum altså. Lýst bara vel á, reyndar vesen að þurfa að skrópa í dag út af prófinu, það var fyrsti alvöru dagurinn. Kennararnir eru allt skrýtnar konur í furðulegum fötum og með undarlegt hár. Eiga að kenna fatahönnun, stíl, hárgreiðslu og förðun? Ég verð örugglega undir-menntuð eftir þennan lærdóm.

Og síðast: Ekki eiga danskan kærasta! Því þeir myrða þig bara, ok? Bara slútta þessu núna og flytja úr landi! Undanfarna 3 daga hafa tveir Danir drepið kærustur sínar og börnin sín, og slíkt gerist að meðaltali 25 sinnum á ári hérna í Danmörku! Mikið er ég ánægð með minn íslenska mann.

Kv. Guðný Olsen

Ég veit ekki hvaða blogg leti þetta er hjá mér! En það er svosem nóg að segja frá.

2006 er búið! Það var óvenjulegt ár sem einkenndist af mikilli fráveru frá Íslandi! Ítalía átti fyrstu fimm mánuðina, það var ansi spes en eins og allir sögðu mér þá: Þú átt eftir að hugsa til dvalarinnar með gleði seinna meir. Og það er bara nokkuð satt, ég fékk að heimsækja marga staði svo sem Feneyjar, Alpana, Napólí, Amalfi ströndina og auðvitað Róm oft í viku og gaman að geta sagst rata vel um borgina og hafa séð allt það merkilega sem þar er. Lærði smá ítölsku, lærði að lifa af í ítalskri umferð, lærði að meta ólífur, vín, Panettone og eyddi miklum tíma í hugsanir um hið mannlega eðli. Náði mér í brúnku, missti nokkur kíló (sem þó hafa fundið leiðina til baka núna) og saknaði Bigga míns heil ósköp. NÚ, eftir þetta eyddi ég sumrinu heima í Hveratúni og það var yndislegt, fór á reunion á Akureyri og það var æðislegt að hitta alla gömlu bekkjarfélagana! Í ágúst fórum við Biggi aftur til Danmerkur og ég byrjaði í Copenhagen Business School, mikið stress og mikil taugaveiklun! danskan hefur samt troðist inn í hausinn á mér sem aldrei fyrr! Við fengum flotta íbúð, kynntumst góðu fólki, mikið djamm og mikið gaman.

Ég held að 2007 verði alveg frábært og til dæmis sé ég fram á heimsókn minnar kæru Völu og hennar manni Birki, og svo eru Damien Rice tónleikar á döfinni líka! En áður en ég get farið að hlakka til þá þarf ég að komast yfir prófið á þriðjudaginn! Mitt eina próf á þessari önn, það er munnlegt og ég er með hnút í maganum! Þegar þessari önn er náð þá gef ég CBS frí í bili, fer að læra Stil og design og nýt lífsins! Hvað ég sæki um fyrir næsta haust er svo ekki ákveðið.

Þetta var minn annáll Bless í bili,

Guðný

ps. og nú orðin myspace lúði! /thorfridur